Bakı Metropoliteni Avropa Liqasının V turunda Portuqaliya "Sportinq”i ilə qarşılaşacaq "Qarabağ” klubunun müraciətini cavablandırıb.
7News.Az Report-a istinadən məlumat verir ki, bu barədə metropolitenin mətbuat xidmətinin rəhbəri Bəxtiyar Məmmədov məlumat verib.
O bildirib ki, "Koroğlu” stansiyasının girişi görüşdən sonra zərurət olduğu qədər açıq olacaq.
Qeyd edək ki, noyabrın 29-da Bakı Olimpiya Stadionunda keçiriləcək matç saat 21:55-də başlanacaq. Görüşün sonu gecə yarısına təsadüf edəcəyindən, klub azarkeşlərin rahat şəkildə ünvanlarına çatması üçün metronun bir saat gec - saat 01:00-da bağlanması xahişi ilə Bakı Metropoliteninə müraciət edib.
7News.Az
