Bakı Slavyan Universitetinin yeni rektoru Nurlana Əliyeva sərt islahatlara başlayıb.
7news.az xəbər verir ki, o, keçmiş rektor Kamal Abdullanın əsas kadırlarını təmizləməyə başlayıb. Onlar arasında ali təhsil ocağının mətbuat xidmətinin rəhbəri Adil Əliyev də var. 

Qeyd edək k, A.Əliyev BDU-nun professoru, görkəmli alim, mətbuat tarixinin tədqiqatçısı Şirməmməd Hüseynovun kürəkəni, Mədəniyyət və İncəsənət Universitetinin rektoru Fərəh Əliyevanın həyat yoldaşıdır. 


A.Əliyev təqaüd yaşının yaxınlaşdığını, buna görə də bir müddətlik ona möhlət verməsini xahiş edib. Lakin rektor heç bir xahişə məhəl qoymayıb. 

***

Məsələylə bağlı A.Əliyev AzNews.az-a açıqlama verib. Bildirib ki, onun işdən ayrılması yla bağlı heç bir əmr yoxdu, hazırda vəzifəsini icra edir: “Düzdü, mən səhhətimlə əlaqədar olaraq işdən ayrılmaq istəyirəm. Bu işlər çpx enerji aparır. Fikrim var ki, bu vəzifəmdən ayrılım, yalnız pedaqoji fəaliyyətlə məşğul olum. Amma bu barədə rektorla heç bir söhbətim olmayıb. Hazırda işimi davam etdirirəm. Mənim işdən çıxarılmağımla bağlı yayılan məlumatın heç bir əsası yoxdur. ”.