Bakının Qaradağ rayonunda 17 yaşlı gənc yol-nəqliyyat hadisəsi zamanı ağır xəsarət alıb.

Hadisə Sahil qəsəbəsində qeydə alınıb.

2006-cı il təvəllüdlü Murad Maqsud oğlu Zərbəliyevin idarə etdiyi motosiklet hərəkətdə olan minik avtomobilinə çırpılıb.

Yaralı təcili tibbi yardımın köməkliyi ilə xəstəxanaya çatdırılıb və reanimasiya şöbəsinə yerləşdirilib. Müayinə zamanı ona qapalı kəllə-beyin travması diaqnozu qoyulub.

Faktla bağlı araşdırma aparılır.