Bakıda Aeroport yolunda baş verən zəncirvari qəzada 21 nəfər xəsarət alıb.

Səhiyyə Nazirliyinin mətbuat xidmətinin əməkdaşı Səfayə Əhmədova  bildirib ki, xəsarət alanlardan 14 nəfər artıq evə buraxılıb.

Onun sözlərinə görə, hazırda 7 nəfər xəstəxanadadır. S.Əhmədova onu da əlavə edib ki, xəsarət alanların həyatına təhlükə yoxdur.

Bakıda bir neçə dəqiqə öncə marşrut avtobusu qəza törədib.

Suraxanı Rayon Polis İdarəsindən  bildirilib ki, 160 saylı xətt avtobusu qəza törədib.

Hadisə nəticəsində bir neçə nəfər xəsarət alıb. Ölənlərin olmadığı bildirilir. Hüquq-mühafizə orqanlarınən əməkdaşları hadisə yerində araşdırma aparır.

 

Səhiyyə Nazirliyindən  bildirilib ki, hadisə zamanı xəsarət alan 11 nəfər Sabunçu rayon 3 saylı şəhər klinik xəstəxanasına yerləşdirilib. Yaralıların arasında vəziyyəti orta və ağır olanlar da var. Ölən yoxdur.

 

7news.Az