Bakıda "Xəzər” televiziyasının əməkdaşının maşınından çantası oğurlanıb.
7News.az-ın məlumatına görə, hadisə fevralın 28-də Qara Qarayev prospekti 39/47 ünvanında, "Oskar” mebel salonunun qarşısında qeydə alınıb.
Bu haqda zərərçəkən jurnalist Ülkər Qasımqızı öz sosial media hesabında oğurluq hadisəsinin başvermə anınının görüntüsünü paylaşıb.
O bildirib ki, toyu ərəfəsində mebellərə baxmaq üçün həmin salona giriblər:
"Buna nə ad verəsən? Mebel almaq üçün salona girmişdik. Bu vicdansız sanki öz maşını imiş kimi qapını açıb və çantamı oğurlayaraq qaçıb. Kameranın varlığından bixəbər olan bu "ağıllı”nı polis axtarır”.
