Bakının Binəqədi rayonunda İqtisadiyyat Universitetinə məxsus yataqxanada yanğın baş verib.

Fövqəladə Hallar Nazirliyindən verilən xəbərə görə, yataqxananın 2-ci mərtəbəsində ümumi sahəsi 28 m2 olan 1 otağın eyvanının yanar konstruksiyaları 6 m2 sahədə yanmış və yüksək temperaturdan 1 ədəd televizor əriyib. 

Otağın qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.