Bakıda polis əməkdaşları avtomobil qəzasına düşüb.
Hadisə Suraxanı rayonunun Qaraçuxur qəsəbəsində baş verib.
Belə ki, Bakı sakini, 1990-cı il təvəllüdlü Yusif İbrahimov idarə etdiyi “KİA” markalı avtomobillə Sabunçu Rayon Mühafizə İdarəsinin (RMİ) polis əməkdaşı, serjant, 1989-cu il təvəllüdlü Kamran Həsənovun idarə etdiyi “Volkswagen Polo” markalı avtomobili arxadan vurub.
Qəza nəticəsində polis serjantı K.Həsənov və ekipaj üzvü, 1990-cı il təvəllüdlü Şahmar Abdullayev xəsarət alıb.
Yaralı polislər 3 saylı Şəhər Klinik Xəstəxanasına yerləşdirilib.
Faktla bağlı araşdırma aparılır./report
7news.az
