Bakıda qarajdan meyit tapılıb.

Qafqazinfo-nun verdiyi xəbərə görə, hadisə aprelin 14-də Xətai rayonunda qeydə alınıb.

Süleyman Vəzirov küçəsində yerləşən yaşayış binasının zirzəmisində olan yeraltı qarajdan kişi meyiti tapılıb.

Meyitin Xətai rayonu, Nəcəfqulu Rəfiyev küçəsində yaşayan, 1987-ci il təvəllüdlü Rəhimov Rüstəm Salam oğluna aid olduğu müəyyənləşdirilib.

Onun işsiz və subay olduğu məlum olub. Ölümün səbəbinin müəyyənləşdirilməsi üçün məhkəmə -tibbi ekspertizası təyin olunub.

Faktla bağlı Xətai Rayon Prokurorluğunda araşdırma aparılır.