Bakının Nizami rayonunda ağır yol qəzası baş verib.

7News.Az APA-ya istinadən bildirir ki, hadisə Bəkir Çobanzadə küçəsində qeydə alınıb.

Belə ki, "Toyota" markalı avtomobili idarə edən Ramil Əliyev yol kənarında hərəkət edən şəxsi vurub. Təxminən 60-65 yaşlı kişi hadisə yerində ölüb.

Məlum olub ki, ölən şəxs yaxınlıqdakı şadlıq sarayından çıxıb. Piyada bəyin dayısıdır.

Faktla bağlı Nizami Rayon Polis İdarəsində cinayət işi başlanılıb. Sürücü R.Əliyev saxlanılıb.

7News.Az