Yanğında tüstüdən zəhərlənən iki nəfər orta-ağır vəziyyətdə xəstəxanaya aparılıb.

Klinik Tibbi Mərkəzin Toksikologiya şöbəsinin müdiri, baş toksikoloq Azər Maqsudovun 7News.Az-a verdiyi məlumata görə, pasiyentlərin vəzyyəti stabildir:

"1965-ci il təvəllüdlü Qəmbərova Sultan və 1993-cü il təvəllüdlü Əliyeva Səidə yanğın zamanı tüstüdən boğulub. Hazırda hər ikisinin vəziyyəti stabildir. Həyati təhlükə yoxdur”.

14:43

Bakı şəhəri, Şəfayət Mehdiyev küçəsində yerləşən çoxmərtəbəli binada baş verən yanğın nəticəsində 10 nəfərə tibbi yardım göstərilib. 

Bununla bağlı 7News.Az-a Səhiyyə Nazirliyindən məlumat verilib. 

"Onlardan dördü uşaqdır. Onlar tüstüdən zəhərlənib və yerində tibbi yardım göstərilib”, - deyə məlumatda bildirilib. 

Qeyd edilib ki, hadisə yerinə beş təcili yardım briqadası göndərilib.

Fövqəladə Hallar Nazirliyinin yaydığı məlumata görə, binada elektrik kabellərində tüstülənmə var.

13:55

Bakıda yaşayış binası yanır. 

Bununla bağlı görüntülər sosial şəbəkədə yerləşdirilib. 

Bildirilib ki, yanğın "Qoşa Park” yaşayış kompleksində qeydə alınıb.

7News.Az