Bərdədə polis əməkdaşı şəxsi avtomobili ilə qəza törədib.
Daxili İşlər Nazirliyinin Mətbuat xidmətindən 7NEWS.Az-a verilən xəbərə görə, hadisə bu gün səhər saatlarında qeydə alınıb.
Bərdə Rayon Polis Şöbəsinin əməkdaşı R.Hadıyev idarə etdiyi "KİA” markalı avtomobillə qəflətən yola çıxan piyada, 1961-ci il təvəllüdlü ikinci qrup əlil Surxay Şahbazovu vurub.
Sürücü dərhal xəsarət almış piyadanı xəstəxanaya çatdırıb. Xəsarət alan şəxs xəstəxanada keçinib.
Faktla bağlı araşdırma aparılır.
7NEWS.Az
