Qaziantəpdə 7 il boyunca ərindən işgəncə görən qadın həm bətnindəki körpəsini, həm də ayağını itirib. 

7News.Az Türkiyə mətbuatına istinadən xəbər verir ki, araşdırmalar zamanı kişinin həyat yoldaşına "Səni yavaş-yavaş öldürəcəyəm" dediyi ortaya çıxıb. 

7 il boyunca əri M. A. A tərəfindən işgəncələrə məruz qalan Çağlat Aşkın məhkəmədə açıqlamasında ayaqlarından güllələndiyini bildirib: "O mənə dedi ki, səni həmin an öldürməyəcəm, yavaş-yavaş işgəncə verərək öldürəcəyəm. Səbəbsiz yerə qısqanırdı. Bir gün də məni vəhşicəsinə döyüb, sonra bıçaqladı. Kömək istəməyim deyə ağzımı bağlamışdı. Övladımı aldığım ağır travma nəticəsində itirdim”.