Diplom satan, seçicidən qaçan "millət vəkili"

Əsgərlikdə olanlar bilir. Deyirlər, formanı bir geyinəndə sevinirlər, bir də çıxaranda. İndi bizim millət vəkilləri bir seçiləndə əl-ayağa düşürlər, bir də yenidən seçilmək istəyəndə. Arada qalan müddətdə isə ancaq vəkillik edirlər, millətdən xəbərsiz ətərsiz.

Yenidən deputat olmaq istəyənlərdən biri də, Ağdamı hazırda Milli Məclisdə təmsil edən Bəxtiyar Əliyevdir.

Bəxtiyar Əliyevin millət vəkilliyindən əlavə AMEA-nın müxbir üzvi, psixologiya elmləri doktoru, Bakı Dövlət Universitetinin Psixologiy Kafedrasının müdiri vəzifələrini daşıyır.

Bəxtiyar Əliyev millət vəkilliyindən əlavə saxta diplom satan kimi yadda qalıb. O Sankt-Peterburq Xarici Əlaqələr, Hüquq və İqtisadiyyat Universitetinin Bakı fililını yaradıb. Yaratdığı filiala rəhbərlik edib. Həmin bu müddət ərzində 7 minə yaxın tələbəyə saxta diplom satıb. Bu mediaya məlumdursa, yəqin ki, hüquq-mühafizə orqanlarına da məlumdur. Sadəcə deputat mandatı çox şeyi həll edir...

Ölkə.Az-ın əməkdaşlarının Ağdam sakinləri ilə söhbəti zamanı məlum olub ki, onlar Bəxtiyar Əliyevin yalnız adını eşidib və bir də şəkilini görüblər. Bəxtiyar Əliyev hətta seçkilər zamanı belə Ağdam camaatı ilə heç bir görüş keçirməyib. Bəxtiyar Əliyevin Ağdamda tanıdığı yer Ağdam rayon icra hakimiyyəti, tanıdığı ağdamlılar isə rayonun icra başçısı və digər vəzifəli şəxsləridir.

2010-cu il parlament seçkiləri zamanı baş verən bir hadisə isə artıq ağdamlılar arasında lətifəyə çevrilib. Ağdamdan deputatlığa namizəd olan Bəxtiyar Əliyev Çəmənli kəndinə gəlib seçicilərlə görüş keçirmək istəyib. Kəndin ağsaqqalları ondan soruşurlar ki, bəs siz kimsiziniz? Bəxtiyar Əliyev cavab verir ki, ötən seçkilərdə Ağdamdan deputat seçilmişəm, və bu dəfə də yenidən Ağdamdan namizədliyimi vermişəm. Ağsaqqallar kəndin cavanlarına işarə edirlər və kəndin cavananları deputatı daşa basarlar. Bəxtiyar Əliyev maşınınna minir, bir xeyli uzaqlaşır, sonra maşını yenidən maşını geri sürdürüb pəncərədən başını çıxardaraq deyir ki, "Baxarsınız, sizin acığınıza hər il Ağdamdan deputat seçiləcəm!". Sən demə artıq iki müddətdir Ağdamın Milli Məclisdə deputatı olan Bəxtiyar Əliyev parlament seçkilərinin neçə ildən bir keçirildiyini belə bilmirmiş. Əks təqdirdə Çəmənli sakinlərinə "acığınıza hər il Ağdamdan deputat seçiləcəm!" deməzdi.

Konstitusiyanın birinci maddəsinə görə, hakimiyyətin mənbəyi xalqdır. Parlament qanununverici haimiyyətdir və millət vəkilləri seçkilər yolu ilə seçilir. Millət vəkillərini xalq seçirsə, xalqın tanımadığı, istəmədiyi biri parlamentdə necə otura bilir?

Ölkə.Az-ın Ağdam rayon sakinləri ilə keçirdiyi sorğu zamanı sakinlərin Bəxtiyar Əliyev haqqında fikirləri belə oldu:

"Deputatımızı tanımıram, gəlmir, getmir, camaatla maraqlanmır", "Deputatımızı ancaq televizorda görmüşük. Millət vəkilləri seçkilər zamanı gəlir, sonra bir də üzünü növbəti seçkilərə qədər görmürük. Gəlib maraqlanmır seçiciləri ilə", "Deputatımızı tanımıram, tanımaq belə istəmirəm".

Məsələnin maraqlı tərəfi ondadır ki, Bəxtiyar Əliyev bu qədər tanınmadığı, bələd olmadığı və istənmədiyi yerdən yenidən namizəd olmaq istəyir. /olke.az

7News.Az