Mərsində 8 il öncə cəsədi asılı şəkildə tapılan Özləm Çinarın qətlə yetirilməsində təqsirləndirilən ata keçirdiyi qəza nəticəsində ələ keçirilib. 

7News.Az Türkiyə mətbuatına istinadən xəbər verir ki, iddiaya görə, bibisinin oğlu Mahmud Ərdəm ilə sevgi yaşayan 22 yaşlı və 2 uşaq anası Özləm Çinar 15 yaşlı qardaşı A.Ç tərəfindən bıçaqlanaraq öldürülüb. Onun cəsədi ağacdan asılı şəkildə tapılıb. 

Polis tərəfindən saxlanılan A.Ç Mahmud Ərdəmi də namus məsələsinə görə öldürdüyünü etiraf edib. 

Hadisədən sonra isə ata H.Ç 8 il polisdən gizlənə bilsə də keçirdiyi qəza nəticəsində ələ keçirilib.