Cəmiyyətdə baş verən intihar hadisələri insanların həm sosial problemlərə  münasibətindən , həm də psixoloji olaraq davranış qaydalarından asılıdır. İntihar fərdi qərar olduğu üçün, intihar edən şəxsin həyat tərzindən asılıdır.

 

Sosial  problemlər həmişə var. İstənilən şəxsin həyatında problemlərin müxtəlif növləri mövcuddur. Hər kəsin problemi eyni deyil və ya hər kəsin problemə yanaşması  eyni deyil. Bizə problem kimi görünməyən hadisələr başqaları üçün cəhənnəmə çevrilir. Demək istədiyim odur ki, cəmiyyətdə hər kəsin öz mövqeyi və mənafeyi  olduğu üçün, insanların intihar səbəbi də öz mövqeyindən və mənafeyindən asılıdır. Maddiyyat insanı məişət problemlərindən xilas etmir. Problemi başqa  formaya çevirir. Yəni, mövzu yox, metod dəyişir. Məişət problemlərindən xilas olmaq üçün, insanın həyatında dialoqlar olmalıdır.  

 

Biz, həyat fəlsəfəmizdə mənəviyyatımızı daha üstün tutmalıyıq. Çünki, maddi  olaraq qazandığımız hər şeyi itirə bilərik. Mənəvi olaraq qazandıqlarımız bizim mənəviyyatımızı formalaşdırır. Yaşamaq ölüm qədər asan olsaydı, insanlar ölümü  seçim etməzdilər. Həyatın bütün çətinliklərinə mənəvi zənginliklərlə qalib gəlmək olar.