İyulun 11-i Ümumdünya Əhali Günüdür.

7News.Az-ın məlumatına görə, bu günü 1989-cu ildə BMT-nin əhali problemlərinin həllinə yardım göstərən ən iri beynəlxalq təşkilatı olan Əhali Fondu təsis edib və ilk dəfə 1990-cı ildə 90-dan artıq ölkə tərəfindən qeyd edilib. Məqsəd dünya əhalisi məsələləri ilə məlumatı artırmaq, insanların problemlərinə xüsusi diqqət yetirmək və ümumi inkişafa nail olmaqdır.

Qeyd edək ki, Ümumdünya Əhali günü 2005-ci ildən Azərbaycanda da geniş şəkildə qeyd olunur. Azərbaycanda MDB məkanında ilk dəfə olaraq elmi əsaslarla işlənilən, əhali sakinliyi və demoqrafiya sahəsində dövlət strategiyasını müəyyən edən «Azərbaycan Respublikasının Demoqrafik İnkişaf Konsepsiyası» təsdiq edilib.

Prezident İlham Əliyevin 25 iyul 2006-cı il tarixli Sərəncamı ilə “Azərbaycan Respublikasının Dövlət Miqrasiya Proqramı” təsdiq edilib. Proqram çərçivəsində dövlət başçısının 19 mart 2007-ci il tarixli Fərmanına əsasən Dövlət Miqrasiya Xidməti yaradılıb. 28 dekabr 2006-cı il tarixdə İnsan Hüquqlarının Müdafiəsi üzrə Milli Fəaliyyət Planı təsdiq edilib.