Radford ailəsi uşaq sayına görə dünyanın ən geniş ailələrindən hesab edilir. 

7News.Az xəbər verir ki, İngiltərədə yaşayan ailənin nə az, nə çox 21 övladı var. 44 yaşlı Sue və 48 yaşlı Noel Radford cütlüyünün ən böyük övladının 30, ən kiçiyinin isə 1 yaşı var. 

Ailənin tək gəlir mənbəyi çörəkçikdən və dövlətin ayırdığı yardımdan ibarətdir. Noel bildirir ki, ailənin həftəlik qida məsrəfləri 350 sterlinq edir. Ana Sue isə 10 otaqlı evi yığmaq üçün hər gün 3 saat vaxt sərf etdiyini bildirir. 

Həmçinin o bütün ailənin paltarlarını yumaq üçün gündə üç dəfə paltaryuyan maşını qoşduğunu və hər gün 180 kq paltar yuyulduğunu qeyd edib. 21 uşaq dünyaya gətirən Sue, ömrünün 160 saatını doğuşda keçirib. 

Yay tətili olduğundan bütün uşaqlarının evdə zaman keçirdiyini deyən ata, məktəblərin başlamasını "dörd gözlə" gözlədiyini bildirib.