Evdə əsasən it, pişik, quş kimi heyvanların saxlandığına öyrəşmişik. Lakin Savannah Mikel adlı qızın ev heyvanı saxlama anlayışı görənləri təəccübləndirir. 

7News.Az xarici mətbuata istinadən xəbər verir ki, gənc qadın evində qurbağa saxlayır. 23 yaşlı gənc qız evində hətta qurbağası rahat yaşasın deyə onun üçün kiçik ev maketi qurub. 

O bildirib ki, qurbağalar evdə saxlamaq üçün çox rahat heyvanlardır. Zaman-zaman qurbağasının şəkillərini sosial mediada paylaşan qız izləyənlərin marağını cəlb edib. Daha sonra o qurbağası üçün xüsusi səhifə də açıb. 63 mindən çox izləyicisi olan səhifədə sürünən heyvanların ev şəraitində baxılması, saxlanması kimi mövzular müzakirə edilir. 

Savannah qurbağasının yağış yağarkən sevindiyini bildirib. O hətta evdə böcəklər də saxlayaraq qurbağasının təbii instinklə qidalanmasına şərait yaradıb. O Tobi adı verdiyi qurbağası ilə olan əyləncəli fotolarını paylaşmağı çox sevdiyini deyib.