Xəbər verdiyimiz kimi, son günlər ermənilərin cəbhəyanı rayonlarımızı top atəşinə tutması nəticəsində təkcə Tərtər rayonunda 160 evə ziyan dəyib.

7News.Az xəbər verir ki, AzərTAc-ın əməkdaşları Tərtər rayonunun cəbhə xəttində yerləşən Qaradağlı, Qapanlı, Düyərli kəndlərində olub, düşmənin artilleriya zərbələri nəticəsində törədilmiş dağıntıları fotoobyektivin yaddaşına köçürüblər.

Bu fotolarda erməni təxribatının izləri, dinc sakinlərin birbaşa hədəfə alındığı açıq-aydın görünür.

Xatırladaq ki, bu gün Həsənqaya kəndində mərmi partlayışı Kəlbəcər rayonundan olan məcburi köçkün 16 yaşlı Turanə Həsənlinin həyatına son qoyub.