Samvel Babayan Qarabağ müharibəsi zamanı ciddi fiqur olub. O, müharibədən sonra cinayət törədib və daha sonra müxtəlif ölkələrdə yaşayıb. Bayaban hazırda Ermənistana qayıdaraq hakimiyyətdən vəzifə istəyir.

Bunu Ermənistan parlamentinin spikeri Qalust Saakyan general Samvel Babayanın ölkəyə qayıtması və səsləndirdiyi bəyanatları şərh edərkən bildirib.

Jurnalistlərin “hökumət Babayanı niyə qəbul etməyib?” sualına cavab verərkən Saakyan bəyan edib ki, onda Babayanın hökumətə müraciət etməsinə dair məlumat yoxdur.

Spikerin fikrincə, əgər Babayan xalqa kömək etmək istəyərsə, onda qoy, etsin. Onun sözlərinə görə, ölkə rəhbərliyində Samvel Babayanın potensialı barədə təəssürat yoxdur.

Prezident Serj Sarkisyanın Samvel Babayanın borclarını bağlamasına dair xəbərlərə gəlincə, Saakan bu barədə məlumatsız olduğunu deyib./azvision

7news.Az