Misirin paytaxtı Qahirədə naməlum şəxslər gecə klubuna içərisində yandırıcı maddə olan qablar atıblar.
Bu barədə 7News.Az “Reuters”-ə istinadən xəbər verir.
Yerli polisin verdiyi məlumata görə, hadisə nəticəsində 12 nəfər ölüb, daha beş nəfər yaralanıb.
Hadisə paytaxtın Aquza rayonunda baş verib.
Polisin sözlərinə görə, kluba hücum edən şəxslərdən biri ötən gün işdən çıxarılan klubun sabiq əməkdaşıdır.
