Çində sərnişinlə sürücü arasında qarşıdurma baş verib.

7News.Az redaktor.az-a istinadən xəbər verir ki, 60 yaşlı sərnişin dayanacaqda düşməyə çalışarkən qapılar bağlanıb. Ardınca isə sürücü yoluna davam edib. Bundan qəzəblənən sərnişin sürücüyə hücum edib. Boğazından yapışaraq, onu boğmağa çalışıb.

Digər sərnişinlərin müdaxiləsindən sonra qəzəbli şəxsi sakitləşdirmək mümkün olub. Əraziyə cəlb edilən polis, çinlini nəzarətə götürüb. Sürücü bildirib ki, o, dayanacaqda kifayət qədər dayanıb. Sərnişin gec hərəkət etdiyi üçün vaxtında düşə bilməyib.