Pakistanın Lahor şəhərində əyləncə parkında terrorçu-kamikadze tərəfindən törədilən partlayış nəticəsində ölənlərin sayı 72 nəfərə çatıb.
7News.Az xarici mətbuata istinadən xəbər verir ki, partlayış nəticəsində 300-dən çox insan yaralanıb.
Terror aktı zamanı 34 uşaq ölüb, 60-a yaxını yaralanıb. İlkin araşdırmalara əsasən, partlayıcı maddənin gücü trotil ekvivalentində 8-10 kq olub. Terror aktını törətməkdə şübhəli bilinən 15 nəfər saxlanılıb.
Artıq Lahor şəhərində baş vermiş terror aktına görə məsuliyyəti "Taliban" öz üzərinə götürüb.
