Polisə kömək etdi, həyatı 180 dərəcə dəyişdi. ABŞ-da bir dilənçinin verdiyi ifadə, onu bir anda zənginləşdirib.  Asayişin bərpa olunmasında polislərlə əməkdaşlıq edən Metyu Hey-Çepmen 100 min dollar mükafat alıb.

Küçədə  gəzərkən, təsadüfən televizor ekranında həbsdən qaçan iki şübhəlinin şəklini görən  dilənçi  onlarla harda rastlaşdığını xatırlayıb.  Cinayətkarların  gizləndiyi yeri bilən Metyu dərhal polislərə yaxınlaşaraq, bildiklərini onlarla paylaşıb. Onun ifadəsi əsasında şübhəlilərin yerini aşkarlayan polislər onun bu əməyini qiymətləndiriblər. Axtarışlarla bağlı  4 nəfərə  ümumilikdə 150 min dollar mükafat verilib və bu mükafatın 2/3-si  dilənçinin payına düşüb. Avtomobili oğurlanan şəxs isə 20 min dollar təzminat alıb.

Əslində həbsdən 3 nəfər qaçıbmış. Onlardan biri könüllü surətdə təslim olub. Hüseyn Nayiri və Conatan Tiö  isə məhz dilənçinin ifadəsindən sonra zərərsizləşdirilib. Maraqlısı  odur ki, şübhəlilər tərəfindən bir həftə  girov saxlanılan şəxsə  hansısa maddi yardım göstərilməyəcək. Bu iş ən çox dilənçiyə düşüb. Görəsən o, bundan sonra da dilənəcəkmi?