Ermənistanın Lori rayonunun Alaverdi şəhərində yerləşən mənzillərin birində dörd nəfərin, o cümlədən iki yeniyetmənin meyiti tapılıb.
Ermənistan İstintaq Komitəsi bildirib ki, ölən şəxslər bir ailənin üzvü olub.
Dekabrın 25-də Alaverdi şəhərinin tibb mərkəzindən mənzillərin birində dörd nəfərin öldüyü barədə məlumat daxil olub.
Hadisə yerinə cəlb edilən istintaq-əməliyyat qrupu 2002 və 2004-cü il təvəllüdlü yeniyetmələrin və onların valideynlərinin meyitlərini tapıb.
Hadisə yerinə baxış keçirən polis qaz sobasının işlədiyini qazsiqnalizatorun isə dövrəyə qoşulmadığını aşkarlayıb.
Baş verən hadisə ilə bağlı cinayət işi açılıb./Oxu.az
