Dünən dəfn olunan Qarabağ qazisi, Şuşa Veteranlar Şurasının sədri Yaşar Məhərrəmov Xankəndi yaxınlığındakı Kərkicahan qəsəbəsinin müdafiəsində fəal iştirak edib.
 
7News.az bir daha xatırladır ki, iki gün əvvəl axşam saatlarında 20-21 radələrində Yaşar Məhərrəmov gözlərini əbədi yumub. Mərhumun qohumlarının sözlərinə görə, o, ürək tutmasından dünyasını dəyişib.
 
Yaşar Məhərrəmov dostları ilə kafedə çay içərkən qəflətən ürəyindən kəskin ağırlar başlayıb. Son sözləri isə "deyəsən, mən Şuşanı görməyəcəm!” olub. Və dünyasını dəyişib!
 
Mərhum dünən –  Pirşağadakı Şuşa qəbiristanlığında dəfn edilib.
 
Yaşar Məhərrəmov birinci Qarabağ savaşında şücaət göstərən döyüşçülərdən olub, bir sıra mühüm əməliyyatlara rəhbərlik edib. O, Şuşa Veteranlar Cəmiyyətinin sədri idi. Mərhum 3 uşaq atası idi.

1992-ci ilə aid reportajı lentə hərbi reportyor Vahid Naxış alıb. Çəkilişdə Milli Qəhrəman Çingiz Mustafayev və tanınmış jurnalist Mir Şahin iştirak edib. Təqdim olunan materiallar ANS-in Qızıl Fonduna məxsusdur.//istipress.com