Karabükdə bir iş yerində enerji yığmaq üçün elektrikə taxılan telefon faciəyə səbəb olub. 

7News.Az Türkiyə mətbuatına istinadən xəbər ki, telefonun partlaması nəticəsində iş yerinə xeyli zərər dəyib. 

Çıxan yanğını mağaza sahibi və ətrafdakılar söndürüb. 
Elektrik avadanlıqlarının satışı ilə məşğul olan 30 yaşlı Lütfullah Karagül telefonunu enerji yığmaq üçün elektrikə taxıb, çayxanaya gedib. Bir müddət sonra mağazada yanğın çıxıb. 

Lütfullah Karagül mətbuata açıqlamasında yanğına telefonun səbəb olduğunu bildirib: "Yanğına 100 faiz telefonum səbəb olub. Çünki onu elektrikə taxmışdım. Mağazaya girəndə yanğın güclənməyə başladı. Yanğını söndürməkdə dostlar yaxından kömək etdi”.