Zabit qiyamçıların planlarının qarşısını ala bilməməsindən mənəvi sarsıntı keçirib.
Türkiyə Silahlı Qüvvələrinin polkovik-leytenantı uğursuz hərbi çevrilişdən sonra intihar edib.
Bu barədə Haber Turk qəzeti yazır.
Levent Öndərin cəsədi Türkiyənin cənub-şərqində, Siirt vilayətində yaşadığı evdə tapılıb.
“Qiyamdan sonra zabit depressiyaya düşmüşdür. O, qiyamçıların planlarının qarşısını ala bilməməsində özünü günahkar hesab edirdi”, - vilayət prokurorluğunun məlumatında bildirilir.
Nəşr qeyd edir ki, 3-cü Desant Briqada Komandanlığının qərargah rəisinin müavini, polkovnik-leytenant Levent Öndər bu gün səhər saatlarında şəxsi tapançasından atəş açaraq özünü öldürüb.
7news.Az
