Türkiyə prezidenti Rəcəb Tayyib Ərdoğanın qaldığı otelə basqın sonrası bölgədə aparılan istintaq-axtarış prosesi zamanı xeyli sayda avtomat, tapança və "daraq" aşkar edilib.
7News.Az Türkiyə mətbuatına istinadən bildirir ki, otələ hücum zamanı istifadə edilən silahlar meşədə tapılıb.
FETÖ-çülərin hərbi çevriliş cəhdi zamanı prezident Rəcəb Tayyib Ərdoğanın qaldığı Muğlanın Marmaris ərazisindəki otelə edilən hücum sonrası, meşəlik sahəyə qaçan qiyamçıların tapılması üçün havadan, sudan və qurudan axtarışlar fasiləsiz davam etdirilir. Axtarış zamanı Marmarisin İlçəsi İçmələr Məhəlləsi Saqqızlı Təpəsindəki meşəlik sahəsindən 12 avtomat, 6 tapança və "daraq"ları aşkar edilərək götürülüb.
7News.az
