Türkiyədə AKP (Ədalət və İnkişaf Partiyası) üzvlərini aparan avtobus avtomobillə toqquşub.
7News.Az "Milliyət”ə istinadən xəbər verir ki, hadisə Van-Ankara avtomagistralında baş verib.
Ağır qəza nəticəsində dörd nəfər həyatını itirib, 13 nəfər yaralanıb.
Məlumata görə, qəza axşam saatlarında meydana gəlib. Avtobus Vandan konfrans üçün Ankaraya gedən AKP üzvlərini aparırmış.
Qəzadan sonra yaralılar yaxınlıqdakı xəstəxanalara yerləşdirilib. Polis qəza ilə bağlı araşdırmalara başlayıb.
7News.Az
