Sosial şəbəkələrdə Vətən müharibəsinin əks etdirən real kadrlar yer alıb.

Videoda döyüşü əks etdirən videoda şəhid "Cəlilabad qartalı", "Dəmir bilək" və s. ləqəblərilə tanınan XTQ giziri Siyahim Dəmirov üzbəüz döyüşdə düşmən pulemyotçusunu məhv edərək silahını qənimət götürməsi əksini tapıb.

7News.Az xəbər verir ki, Sonxeber.az şəhidin atası Dəmirov Əlizamin ilə əlaqə saxlayıb:

"Oğluma "Dərmir bilək" deyirdilər. Cəlilabadda xidmət etdiyinə görə "Cəlilabad qartalı" deyirdilər. Ayın 10-u Siyahımın 40 -dır. O, vətənpərvər, valideyninə qarşı hörmət saxlyan övlad olub. Elinə-obasına bağlı olub".

Şəhidin yaxını iqtisadçı-ekspert Akif Nəsirli Siyahımın dostları ilə əlaqə saxladığını və onun döyüş şücaətlərindən xəbərdar olduğunu bizimlə bölüşüb:

"Döyüş yoldaşlarından biri danışır ki, erməni snayper hündür təpədə yerləşən iki mərtəbəli evin ikinci mərtəbəsindən öndə olan döyüşçülərimizi vururmuş. Siyahım bu zaman söz verib ki, snayperi diri tutub gətirəcək. O, həmin erməni snyperi dediyi kimi əməliyyat nəticəsində diri tutur.

Siyahımın şəhid olması da buna bənzər əməliyyatların birində olub. Erməni snayperi zərərsizləşdirmək üçün kənardan əsgərlərimiz onu qoruyurmuşlar. O, əməliyyat zamanı binaya yaxınlaşıb, hasardan keçmək istəyən anda güllə ilə vurulub".