Azərbaycanda kişi iş adı ilə evdən çıxaraq geri qayıtmayıb.
7News.Az Sonxeber.az-a istinadən xəbər verir ki, bu barədə "Xəzər" televiziyasında yayımlanan "Səni axtarıram" verilişində həyat yoldaşı Elşən Məhəmmədovu axtaran qadın danışıb.
O, bildirib ki, maşın ustası olan həyat yoldaşı 2015-ci ildən evdən çıxıb və bu günə kimi ondan xəbər yoxdur:
"Elşən heç vaxt evdən getməyib. Hər gün işə gedib, geri qayıdırdı. Elşən itəndən sonra onun qadınla münasibətinin olduğunu öyrəndim. Onunla qalmasa da, münasibətləri olub. Qadına nömrə də alıb.Həmin qadın Qaradağda yaşayır. Baldızım qadınla görüşüb. Elşəndən xəbərinin olmadığını deyir".
7News.Az
