Çexiya xarici işlər naziri Lubomir Zaoralek avtomobil qəzasına düşüb.

7news.Az "RİA Novosti”yə istinadən xəbər verir ki, bu barədə nazirliyin rəsmisi İrena Valentinova jurnalistlərə açıqlamasında bildirib.

İnsident Çexiyanın cənub-şərqində qeydə alınıb. Qəza nəticəsində ümumilikdə müxtəlif bədən xəsarətləri alan 6 nəfər xəstəxanaya yerləşdirilib. Başından xəsarət alan nazir isə helikopterlə Brno şəhər xəstəxanasına çatdırılıb.

Hazırda nazirin vəziyyətinin yaxşı olduğu və müayinədən sonra evə buraxıldığı vurğulanıb.