Türkiyə Superliqasının 30-cu turu çərçivəsində keçirilən "Trabzonspor" - "Fənərbaxça" oyunu yarımçıq dayandırılıb.

7News.Az xəbər verir ki, oyunun 86-cı dəqiqəsində trabzonlu azarkeşlər stadiondakı oturacaqları söküb meydana atıblar. Bu zaman hakim Bülənt Yıldırım oyunu saxlayıb. 

Kiçik fasilədən sonra"Fənərbaxça" küncdən zərbə ilə topu oyuna daxil edərkən rəqib fanatlar stadiona daxil olub. Onlar hakim və yan hakimləri təpikləməyə başlayıblar.

Qeyd edək ki, 89-cu dəqiqədə dayandırılan qarşılaşma 4-0 "Fənərbaxça"nın xeyrinə idi.