Premyer Liqanın 11-ci turunda baş tutan AZAL – "Qəbələ” oyununda daha çox meydan sahiblərinin futbolçusu İlqar Ələkbərov və qonaqların yarımmüdafiəçisi Filip Ozobiç arasındakı qalmaqal müzakirə mövzusuna çevirildi.

7News.Az xəbər verir ki, Ələkbərov xorvatiyalı oyunçunun ayağına meydançanın kənarında zərbə vurduğu üçün əyalət təmsilçisinin baş məşqçisi Roman Qriqorçuk da hakimə sərt etiraz etdi.

İlqar isə açıqlamasında "Qəbələ”nin yarımmüdafiəçisinə təpik vurmasına belə münasibət bildirib:

"Komanda yoldaşım Kamal Mirzəyev Ozobiçə qarşı kobud oynadı. Getdim ki, xorvatiyalı futbolçunu ayağa qaldırım. Ona əl verdim, amma Ozobiç ana söyüşü söydü. Ona görə də təpik vurdum”./qafqazinfo

7News.Az