Nazirlər Kabineti yanında Operativ Qərargahın göstərişlərinə əsasən Koronavirus infeksiyasının yayılmasının qarşısının alınması məqsədilə müvafiq tədbirlər görülür. 7NEWS.az-ın yerli bürosunun verdiyi məlumata görə, bu gün Gəncədə Mənzil Kommunal Təsərrüfat İstehsalat Birliyinin (MKTİB) texnikası və piyadaları vasitəsilə genişmiqyaslı dezinfeksiya işləri aparılıb.
Dezinfeksiya işləri MKTİB-nin su çiləyici maşınları və xüsusi təlim keçmiş 40 nəfərlik briqadası tərəfindən şəhərin mərkəzində yerləşən küçə və prospektləri, çoxmənzilli yaşayış binaların girişlərini, mərtəbələrini, uşaq meydançalarını, əhali sıxlığı təşkil edən bütün əraziləri, o cümlədən, Cavad xan küçəsini, xan bağını, açıq hava idman qurğularını, poçt şöbələrinin, bankların, bankomatların qarşısını, parkları, istirahət məkanlarının ərazilərini əhatə edib.
