7news.az xəbər verir ki,Moskvada Rusiya Azərbaycanlı Gənclər Birliyinin VII forumu keçirilmişdir. "AMOR nəsli: Vətənpərvərlik, Yaradıcılıq, Uğur” adlı altında "Crocus” Sərgi Mərkəzində keçirilən forumda 500-dən çox nümayəndə, fəxri qonaqlar, Rusiya və Azərbaycanın rəsmi şəxsləri iştirak etmişdir.

Forumda "Multikulturalizm millətlərarası və dövlətlərarası münasibətlərin əsası kimi”, 2017-ci il Rusiyada ekologiya ili – Azərbaycan gəncliyinin töhfəsi”, "AMOR-un diasporun möhkəmlənməsində rolu” və "Gənclər biznesdə: startapların yaranması və inkişafı” mövzularında plenar iclaslar keçirilmişdir.
Forum çərçivəsində Azərbaycanın müstəqilliyinin 25 illiyinə həsr olunan sərgi təşkil olunmuşdur. AMOR-un sədri, Heydər Əliyev Fondunun vitse-prezidenti Leyla Əliyeva sərgidə iştirak etmiş və Gənclər Fonduna həsr edilmiş qüşə ilə tanış olmuşdur. Azərbaycan Respublikasının Prezidenti yanında Gənclər Fondunun icraçı direktoru Fərhad Hacıyev Fondun fəaliyyəti, 5 il ərzində görülən işlər haqqında sərgi iştirakçılarına məlumat vermiş, Gənclər Fondunun gənclər üçün açdığı imkanlardan və fərdi layihələrin uğurundan danışmışdır. F.Hacıyev, həmçinin, Azərbaycan Respublikasının Prezidenti yanında Gənclər Fondunun maliyyə dəstəyi ilə keçirilən layihələr çərçivəsində Rusiya Federasiyasında baş tutmuş bir sıra diqqətəlayiq tədbirləri qeyd etmişdir.