Gəncədə Vətən müharibəsinin il dönümü anılır. 7NEWS.az-ın yerli bürosunun verdiyi məlumata görə, anımn günü ilə bağlı Gəncədə silsilə tədbirlər keçirilir. Tədbirlərdə Quru Qoşunların komandanı, general-mayor Ənvər Əfəndiyev də  iştirak edir. Rəsmilər Gəncənin Şəhidlər Xiyabanı ziyarət olunub, əbədi məşəl abidəsinin önünə əklil qoyulub.Gəncənin İmamzadə türbəsində  şəhidlərin ruhuna dua oxunub. Şəhidlər xiyabanı ziyarət edildikdən sonra Ermənistan silahlı qüvvələrinin Gəncəni raket atəşinə tutması nəticəsində dağılan ərazilər ziyarət olunub. Daha sonra isə Gəncənin Heydər Əliyev Park-Kompleksində Vətən müharibəsi şəhidlərinin xatirəsinə həsr olunan ağacəkmə aksiyası baş tutub.