Baş verən son hadisələrlə əlaqədar Həcc ziyarətinin təxirə salınıb-salınmayacağı barədə hələ ki, heç bir məlumat yoxdur.

7news xəbər verir ki, bu barədə milli.az-a Qafqaz Müsəlmanları İdarəsinin Xarici Əlaqələr şöbəsinin müdiri, Həcc elektron sistem rəhbəri Vüsal Cahangiri məlumat verib.

Onun sözlərinə görə, gündəlikdə hazırda belə bir məsələ müzakirə olunmur:

"Qarşı tərəfdən də bununla bağlı heç bir bildiriş gəlməyib. Əksinə, proses davam edir, gündəlik təlimatlar gəlir. Biz də işimizi davam etdiririk. Hazırda Həcc ziyarəti üçün kvotanın 85 faizi tamamlanıb".

Xatırladaq ki, Həcc ziyarətinin qiyməti bu il üçün 6 100 ABŞ dolları, yəni 10 388 AZN təşkil edir.

Qeyd edək ki, Həcc ziyarəti üçün müraciət vaxtı həftəsonu bitir. Səudiyyə Ərəbistanı Krallığının Həcc və Ümrə Nazirliyindən gələn təlimatlara əsasən, habelə, xaricdə və bölgələrdə yaşayan vətəndaşların çoxsaylı müraciətlərini nəzərə alınaraq builki Həcc mövsümü üçün sənəd qəbulunun müddəti mart ayının 7-dək uzadılıb.