Misir klinikalarından birində xəstənin mədəsindən telefon çıxıb.
Klinikaya müraciət edən şəxs qarnındakı ağrılardan şikayətlənib.
Rentgen müayinəsi zamanı onun mədəsində mobil telefonun olduğu məlum olub.
Pasiyent telefonu 6 ay öncə udduğunu etiraf edib, lakin bunun səbəbini açıqlamayıb. O, utandığından həkimə müraciət etmədiyini və telefonun təbii yolla xaric olacağına ümid etdiyini bildirib.
Lakin yad cism bədənə daxil olan qidanın qarşısında maneəyə çevrilib, həzm sistemində problemlər yaradıb və ağrılarara səbəb olub.
Həkimlər əməliyyat vasitəsi ilə telefonu xəstənin mədəsindən çıxarıblar.
7News.Az
