Çempionlar Liqasının qrup mərhələsində "Lion”la oyunda möhtəşəm çıxışı ilə diqqət çəkən Canluici Buffon "Yuventus”un üç xal qazanmasında böyük pay sahibi olub.

7News.az-ın məlumatına görə, oyun boyu bir neçə qurtarışlar edən 38 yaşlı qapıçı matçın 35-ci dəqiqəsində penaltini dəf edib.

O, qalib gəldikləri  qarşılaşmadan (1:0) sonra  İtaliya mətbuatına açıqlama verib:
''İnsanlar  mənim cənazəmi təşkil edə bilər. Amma mən hələ ölməmişəm. Həftə boyu bir çox tənqidlərlə üzləşdim. Bunlardan yalnız biri doğru idi: ''Buffondan daha çox şey gözləyirk”. Bəli, bu düzdür. Çalışmaq lazımdır”.

Qeyd edək ki, Buffon DÇ-2018-in seçmə mərhələsində İspaniya ilə oyunda kobud səhvə yol vermişdi. Bu səhv nəticəsində ispanlar 1:0 hesabı ilə qalib gəlmişdi.