Azərbaycan XİN-nin mətbuat xidmətinin sabiq rəhbəri Hikmət Hacıyev sentyabrın 17-də Prezident Administrasiyasının (PA) Xarici əlaqələr şöbəsinin rəhbərinin müavini vəzifəsinə təyin olunması ilə bağlı yayılan məlumatları təsdiqləyib.

Bu haqda 7News.Az-a açıqlamasında H.Hacıyev vəzifəsinin icrasına yeni başladığını və bu barədə hələlik geniş danışmaq istəmədiyini bildirib.

O, yeni vəzifəsi ilə bağlı ona təbrik ünvanlayanlara, xoş sözlər bildirənlərə təşəkkür etməyi unutmayıb.

09:31

Azərbaycan XİN-nin mətbuat xidmətinin rəhbəri Hikmət Hacıyev sentyabrın 17-də Prezident Administrasiyasının xarici əlaqələr şöbəsinin rəhbərinin müavini vəzifəsinə təyin olunub.

7News.Az-ın Trend-ə istinadən məlumatına görə, Prezident Administrasiyasının xarici əlaqələr şöbəsinin rəhbəri vəzifəsi Novruz Məmmədovun baş nazir təyin olunmasından sonra boş qaldığı üçün Hikmət Hacıyev faktiki olaraq şöbə rəhbərinin səlahiyyətlərini icra edəcək.