Hizbullah qrupunun əsas liderlərindən biri Samir Qantar Suriya paytaxtı Dəməşq yaxınlığında raket hücumu zamanı öldürülüb.

Livanın şiə silahlı qrupu Hizbullah hava hücumuna görə İsraili günahlandırıb.

Qantar 1979-cu ildə İsraildə, insanların ölümünə səbəb olan bir silahlı hücuma görə həbs olunmuşdu. 2008-ci ildə Hizbullah və İsrail arasında əsgərlərin dəyişdirilməsi zamanı o azad olunmuşdu.

İsrail onun ölümünə sevindiyini açıqlasa da, Qantarın məhz İsrailin həyata keçirdiyi hücum zamanı öldüyünü təsdiqləməyib.

İsrailin hücumda əli olub-olmamasına dair suala cavab verən Tikinti və Məskunlaşma naziri Yoav Qallant İsrail Radiosuna deyib: "Mən bu məsələ ilə bağlı heç nəyi təsdiq və ya təkzib etmirəm".

7news.az