Yəmənin "Ənsar Allah" (husilər) hərəkatının radikalları İsrailin cənubundakı hədəflərə ballistik raket hücumu həyata keçiriblər.

Bu barədə qruplaşmanın silahlı qüvvələri bəyanat yayıb.

"Üçüncü hərbi əməliyyat müqəddəs cihad döyüşü çərçivəsində həyata keçirilib. Bu əməliyyat zamanı İsrailin mühüm düşmən hədəfləri ballistik raketlərlə vurulub", - deyə bəyanatda qeyd olunub.

Yəmən üsyançılarının sözlərinə görə, hücumun nəticəsi uğurlu olub və aviazərbələr "Hizbullah" hərəkatı ilə birgə həyata keçirilib.

Husilər vurğulayıblar ki, Livan, İran, İraq və Fələstinə qarşı gələcək düşmənçilik hərəkətləri yalnız əks-hücuma səbəb olacaq və bu, döyüşlər tamamilə dayanana qədər davam edəcək.