Prezident İlham Əliyev Şuşaya səfəri zamanı uzun illər əvvəl çəkdirdiyi tarixi fotonu da özü ilə aparıb.

Prezident həmin fotonu əlində tutaraq məhz onun çəkildiyi yerdə nümayiş etditib.

Bildirək ki, foto 1982-ci il iyul ayının 29-u Şuşa şəhərində çəkilib. Həmin dövrdə Azərbaycan KP MK-nın 1-ci katibi olan Heydər Əliyev bir qrup mədəniyyət və incəsənət xadimi ilə Şuşada keçirilən Vaqif poeziya günlərində iştirak edib. Bu şəkil də tədbir ərəfəsində Şuşa şəhərinin gəzintisi zamanı lentə alınıb.