Prezident İlham Əliyev bu gün Bakı vaxtı ilə saat 12:30-da Türkiyədə olacaq.
Türkiyə prezidentinin iqamətgahında rəsmi qarşılanma mərasimi keçiriləcək.
Bakı vaxtı ilə saat 12:45-də prezidentlərin təkbətək görüşü planlaşdırılıb.
Rəsmi proqrama görə, daha sonra Türkiyə-Azərbaycan Yüksək Səviyyəli Strateji Əməkdaşlıq Şurasının iclası keçiriləcək.
Səfər zamanı Azərbaycan-Türkiyə arasında müxtəlif sahələri əhatə edən sənədlər imzalanacaq.
İmza mərasimi başa çatdıqdan sonra prezident İlham Əliyev və Ərdoğanın birgə mətbuat konfransı keçirəcəyi gözlənilir.
Saat 15:30-da Türkiyə prezidentinin adından prezident İlham Əliyevin şərəfinə rəsmi ziyafət veriləcək.
7News.Az
