7NEWS.az xəbər verir ki, hazırda dünyanın ən böyük donanmasına sahib olan Çin qlobal əhatə dairəsini artırmaq üçün nüvə mühərrikli təyyarə gəmisi üzərində çalışdığı bildirilir. Çin öz donanmasının uzaq sularda döyüş qabiliyyətini gücləndirmək üçün nəzərdə tutulan ilk Tip 076 amfibiya hücum gəmisini Cümə günü suya buraxıb. Çində yerləşən Sinxua xəbər agentliyinə görə, bu günə qədər Çinin ən böyük amfibiya hücum gəmisi olan Siçuan 40.000 ton ağırlığında və döyüş təyyarələrinin birbaşa göyərtəsindən buraxılmasına imkan verən elektromaqnit katapult kimi qabaqcıl texnologiyalara malikdir.