Türkiyənin Antalya bölgəsində dava baş verib. 

7News.Az Türkiyə mətbuatına istinadən xəbər verir ki, ata ilə oğul arasında bilinməyən səbəblərdən gərgin anlar baş verib. Atasına hirslənən gənc oğlan ütü masası, gül dibçəklərini və bazar zənbillərini 7-ci mərtəbədəki mənzillərinin eyvanından aşağıya tullayıb. 

Yaxınlıqdan keçənlər hadisə barədə polisə və tibb işçilərinə məlumat verib. Polis həmin əraziyə gələrək ata ilə oğlunu zərərsizləşdirərək polis bölməsinə aparmağa çalışıb. Bu zaman ata oğluna hücum etmək istəyib, polislər ona mane olublar.