İran Seçki Şurasının bəyanatına görə, İran parlamentində 290 yer uğrunda mübarizə aparan namizədlərdən 245-i deputat olmaq hüququ qazanıb. İkinci turda seçiləcək deputatların sayı 45 nəfər olaraq açıqlanıb.

7NEWS.az xəbər verir ki, İran Daxili İşlər Nazirliyinin Seçki Şurasının mərkəzi sözçüsü Möhsin İslami martın 1-də keçirilən parlament və Ekspertlər Məclisinə seçkilərdə ölkə üzrə 208 seçki dairəsində səslərin hesablanması prosesinin başa çatdığını açıqlayıb. Səslərin sayılması ilə bağlı son vəziyyəti dəyərləndirən İslami 21 seçki dairəsində seçkilərin ikinci tura keçdiyini bildirib.

7NEWS.az