İraqın Bəsrə şəhərində "elektrik enerjisinin kəsilməsi və işsizlik" səbəbindən başlayan etirazların 5-cü günüdür.
7news.Az xarici mediaya istinadən xəbər verir ki, ölkənin cənubunda başlayan aksiyalar şiddətlənib. Polis qüvvələri ilə nümayişçilər arasında qarşıdurma yaşanıb. Polisin açdığı atəş nəticəsində 1 nəfər dünyasını dəyişib. Bundan sonra aksiyaçılar daha da hiddətlənib.
Əl-Kurna bölgəsindəki nümayişlərdə isə 6 nəfər yaralanıb. Etirazçıların Bəsrə şəhər valisinin və "Lukoil" neft şirkətinin binasına hücum etdiyi bildirilir. Şirkətin binadakı xarici işçiləri helikopterlə xilas edilib.
7news.Az
